Class XI (Semister-I) কৃপণঃ কপালী নাট্যাংশটি পশ্চিমবঙ্গ উচ্চমাধ্যমিক শিক্ষা সংসদ প্রবর্তিত নতুন পাঠক্রম (2024) অনুসারে একাদশ শ্রেণীর ছাত্র ছাত্রীদের জন্য দেবনাগরী লিপিতে তুলে ধরা হল।
Table of Contents
কৃপণঃ কপালী
নাট্যাংশ | কৃপণঃ কপালী |
রচয়িতা | শ্রীজীব ন্যায়তীর্থ |
উৎস | চিপিটকচর্বণম্ |
চরিত্র সংখ্যা | ৫ টি |
শ্রেণী | একাদশ |
সেমিস্টার | প্রথম |
পশ্চিমবঙ্গ উচ্চমাধ্যমিক শিক্ষা সংসদ প্রবর্তিত একাদশ শ্রেণীর নতুন পাঠক্রম (2024) অনুসারে ‘কৃপণঃ কপালী’ নাট্যাংশটি দেবনাগরী লিপি (সংস্কৃত বর্ণমালা) তে দেওয়া হল।
![](https://www.sanskritsikshakendra.com/wp-content/uploads/2024/07/কৃপণঃ-কপালী-538x1024.jpg)
कपाली- अरे दुष्टे पापिष्ठ दासि !
मन्थरा- (युक्तपाणिः) देव ! किं मामाकारयसि ?
रङ्गिणी- (मुखेऽङ्गुलिमर्पयित्वा शनैर्निष्क्रान्ता)।
कपाली- किं वधिरासि ? अरे गर्भदासि !
आतपवर्षात्राणं हर्षाय यच्छरणमापन्नानाम्।
कर्तितबालद्रुमवत् पथि तत्पातितमहो स्पर्धा।।
मम पुत्रपौत्रसुखभोग्यं छत्रमिदं निक्षिपसि निर्दयम् ?
मन्थरा- (नासाकर्णं स्पृष्ट्वा) ईदृशमकार्यं पुनर्नाहं करिष्यामि । तन्मर्षयतु मां महाभागः । सत्यं कथयामि पङ्गुरामेण भृत्येन तव जीर्णं पादुकायुगलं निक्षिप्तमिति दृष्ट्वा मयापि छत्रं परित्यक्तम् ।
कपाली- किं नाम मम पुरातनं पादुकायुगलं भृत्येन दूरीकृतम् ? अरे मम दुर्भाग्यदुर्ग्रह ! दासापसद ! कथय क्व तावत् पादुकाद्वयं निक्षिप्तवानसि ?
(प्रविश्य)
भृत्यः- कर्तः ! अलीकं कथयति दासी। तथाविधस्य कुकार्यस्य कारको न भवति ते चतुरो दासः ।(एकः कुक्कुरः पादुकामुखो धावन् निष्क्रान्तः)
मन्थरा- कर्तः । पश्य पश्य । अयं कुक्कुरः पादुकामुखो धावति।
कपाली- हम् ! दृष्टो मया कुक्कुरः। यावत् पादुकामाच्छेत्तुमेनमनुधावामि ।(छत्रं कक्षे निधाय धावन् निष्क्रान्तः ।)
मन्थरा- अरे धूर्त ! मिथ्याकथनं न सहते देवोऽपि। धर्मकुक्कुररूपं धारयन् देवो झटित्यागतः।
पड्गुरामः- तिष्ठ, अहमपि पश्यामि तवैकं दिनमुत ममैके दिनम्।
मन्थरा- त्वं किं मे करिष्यसि (इत्यङ्गुष्ठं दर्शयति)।
(नेपथ्ये कुक्कुरशब्दः)
पड्गुरामः- तर्कयामि कर्ता कुक्कुरं प्रहृत्य पादुकामाच्छिद्य गृह्णाति । यावदयं प्रत्यावर्तते तावत् पलायिष्ये।
मन्थरा- अद्य खलु प्रहारेण पङ्गुरामस्य पृष्ठचर्मोत्पाटितं भविष्यति । यावत् प्रेक्षे पादुका लब्धा न वेति ।
रङ्गिणी- (प्रविश्य) अहो दुर्दैवम् ! कार्पण्यदोषात् पत्युर्मे बुद्धिविकारो जातः। अन्यथा कुक्कुरमुखात् पादुकाग्रहणाय धावति वा कश्चिदपि सुस्थः पुरुषः ? कस्य पादुका शुना नीयते को जानाति ? कर्ता कुक्कुरेण दष्टः सन् गृहे प्रत्यावर्तते। क्षरति रुधिरघारा पाददेशात्। अरे मन्थरे ! त्वमत्र निश्चिन्ता तिष्ठसि ! सत्वरं गच्छ वैद्यमाह्वय।
दासी- हा धिक् ! हा धिक् ! यदाज्ञापयति भीं।(ततः प्रविशति कुक्कुरदष्टः स्रवद्रुधिरः कपाली ।)
कपाली- हा कष्टम् ! कुक्कुरेण दष्टोऽस्मि। छत्रेण प्रहरतो मे छत्रमपि भग्नम्। पादुकामपि भक्ष्यमाणां बलादाच्छिन्दन् सारमेयेणाक्रान्तः पलायमानः पदे दष्टोऽस्मि। न मे दंशने व्यथा तच्छत्रं भग्नं पादुकाद्वयं गतमित्यवसीदामि। हा धिक् !
रङ्गिणी- अहो रक्तधारा। हा विधे! (एकं कटं विस्तीर्य) त्वमत्र शयानो विश्रामं कुरु । वैद्यमानेतुं मन्थरा मया प्रेषिता ।
कपाली- मा हताशे ! नवोऽयं कटः कथं भूमौ पातितो न मलिनो भविष्यति ? आनय पुरातनं कटम् । कथं वा वैद्य आहूतः ? दर्शनीं को दास्यति ?
रङ्गिणी- आः किं प्रलपसि ? कटेऽस्मिन् कुरु शयनम्। पुरातने छिन्नकटे शायितं त्वां दृष्ट्वा वैद्यः किं कथयिष्यति ? चिकित्सार्थ दातव्या दक्षिणेति कथं व्ययादुद्विजसे । जीवनं तु रक्षणीयम्।(ततः प्रविशति मन्थरया दर्शितमार्गो वैद्यः)
वैद्यः- क्व तावद् गृहस्वामी ? अयमहमस्मि वैद्यः ।
रङ्गिणी- (किं चिदवगुण्ठनं नाटयित्वा) आगच्छतु भवान् । अत्रैव वर्तते रोगी।
वैद्यः- भोः श्रेष्ठिन् ! कस्ते रोगः ?
कपाली- (मुखं विकृतं कृत्वा) कस्ते रोगः ? न दृश्यते रुधिरधारा क्षरन्ती ?
रङ्गिणी- कुक्कुरेण दष्टो मे पतिः ।
वैद्यः- कीदृशेन कुक्कुरेण ? कथं कदा वा दष्टः ?
रङ्गिणी- नास्माकं परिचितेन। नापि वा घटिकायन्त्रं दृष्टं मया।
वैद्यः- तर्हि कुक्कुरदंशनमिति कथं ज्ञातम् ? नाडीं दर्शय श्रेष्ठिन् ! (हस्तनाडी परीक्ष्य) नाडी न समीचीना। लक्षणं प्रतिकूलं प्रतिभाति। प्रहृतेन कुक्कुरेण क्रुद्धेनाक्रम्य दष्ट इत्युच्यताम्। इदानीमेवायं गव्यघृतमुष्णदुग्धेन सह पाययितव्यः ।
कपाली- (मुखं विकृतं कृत्वा स्वगतम्) गव्यघृतम् ? महामूर्खाऽयं यदाधुनिक वनस्पतिघृतमवज्ञाय दुर्मूल्यं दुष्प्रापं नाममात्रपरिचितं गोघृतं व्यवस्थापयति ।
रङ्गिणी- वैद्यवर ! पश्य पश्य पत्युर्मेऽधरस्पन्दनम् । नास्य वाक् प्रसरति ।
वैद्यः- उपचीयते विकारलक्षणम्। तर्हि सद्य एव सम्यगुत्तप्तलोहशलाकया क्षतस्थानदाहो विधेयः ।
कपाली- (स्वगतम्) अहो चातुरी! अल्पं क्षतं वर्धयित्वा चिकित्सां करिष्यति वैद्यः । तद्व्याजेन मेधनलुण्ठनं भवेत् ।
वैद्यः- गृहकत्रिं ! शृणु यदि मम चिकित्सा न कृता भवेत् तदा जलातङ्करोगेणाक्रान्तः कुक्कुरवद्रवं कृत्वा समीपवर्तिनः सवनिव दक्ष्यति ।
रोगी- तानपि पुनरुन्मत्तान् विधाय स्वयं मरिष्यति। गृहजनाश्च पश्चान्मरिष्यन्ति ।
रङ्गिणी- सत्वरमानयामि लोहशलाकाम्। करोतु भवानपि समुचितां चिकित्साम्। (निष्क्रान्ता)।
कपाली- (कुक्कुरशब्दं कृत्वा वैद्यं नखदन्तेनाक्रमितुं चेष्टते)।
वैद्यः- अहो विपत्तिः ! किं स्वप्राणान् परिहरामि ? तिष्ठतु मे दक्षिणा। (धावन् निष्क्रान्तः)।
कपाली- अहो आपद् गता । निश्चिन्तोऽस्मि सांप्रतम् । तथापि हृदयं मे विदीर्यते छत्रं तथा पादुकायुगलं मे विनष्टं चिराय।
Class XI (Semester I) অন্যান্য Text বই দেবনাগরী লিপিতে
- 1. বর্ষাবর্ণনম্
- 2. উপমন্যুকথা
(FAQ) ‘কৃপণঃ কপালী’ নাট্যাংশ সম্পর্কে জিজ্ঞাস্য?
চিপিটকচর্বণম্।
শ্রীজীব ন্যায়তীর্থ।
প্রহসন।
কপালী।